Монгол Улсын Их хурал 2024 оны улсын төсвийг хэлэлцэж байна. Ирэх оны төсвийн хувьд 27.2 их наядын зарлага 25.1 их наядын орлоготой байхаар тусгагдсан. Тэгвэл Минжигдоржийн Найданхүү өөрийн цахим хуудсандаа ийн нийтэлжээ.

Тэрбээр "152 тэрбум төгрөгөөр сумдуудад "Соёлын төв" барина гэх юм. Сумын төвүүдэд "Соёлын төв" барина гэхээсээ илүү "Усан парк"-ийг бассейн, саун, хувцас угаалгын газар, халуун ус, дүүш, шүршүүрийг нэгдсэн байдлаар байгуулаасай.

Халуун усанд гэр бүлээрээ орчихдог, усанд сэлчихдэг, саунд суучихдаг, автомат машинаар хувцасаа угаачихдаг... ийм л төв суманд хэрэгтэй байна. Бүх суманд хүүхдүүд бассейнд сэлдэг хичээлийн хөтөлбөртэй болмоор байна.

Аль ч суманд очсон халуун усны ийм үйлчилгээ асар дутагдалтай байдаг. Хирнээсээ, замын тоос шорооноосоо салаад явмаар л санагддаг. Сумын иргэд их хүсдэг байх даа. Усан парк л харин соёлын нэн түрүүнд хэрэгжүүлэх бодлого баймаар байна аа." хэмээжээ.