Автомат тоглоомын газарт галт зэвсэгтэй этгээд халдсан байна. Тодруулбал, Сүхбаатар дүүргийн нутагт байрлах автомат тоглоомын газарт нэгэн этгээд буу гарган иргэдийг сүрдүүлж, хоёр иргэнийг хутгалж танхайрсан хэрэг энэ сарын 9-10-нд шилжих шөнө гарчээ.

Энэ хэргийн талаар “Улсын нэгдүгээр төв эмнэлгийн ойролцоо байрлах тоглоомын газарт нэгэн этгээд “АКА-М” маркийн буу тулган танхайрсан” хэмээн цагдаагийн байгууллагад дуудлага иржээ. Дуудлагын дагуу цагдаагийн албан хаагчид хэргийн газарт очиход тус тоглоомын газарт 30 орчим хүн үйлчлүүлж байсан бөгөөд сэжигтэнд хутгалуулсан гэх оноштойгоор Ч, Э нар байсныг эмнэлэгт хүргэжээ.

Түүнчлэн уг хэрэгт А гэгч этгээдийг сэжиглэн Эрүүгийн цагдаагийн газрын Онц хүнд гэмт хэрэгтэй тэмцэх хэлтэст шалгаж эхэлжээ.  Эх сурвалжийн мэдээлж буйгаар, хэргийн газраас нэг кг орчим алт, их хэмжээний мөнгө олдсон гэв.