Монгол Улсын Ерөнхийлөгчийн 158 дугаар зарлигаар жил бүрийн есдүгээр сарын гурав дахь долоо хоногт “Номын баярын өдөр”-ийг улс орон даяар тэмдэглэхээр шийдвэрлэсэн.  

34 дэх удаагийн номын баярыг аймгийн Соёл урлагийн газар, Төв номын сан, “Алтан бярга” ТББ хамтран зохион байгуулж байна.

Энэ жилийн "НОМЫН БАЯР" нь Өвөрхангай аймгийн Бүрд сумын харьяат Хөдөлмөрийн баатар Ардын уран зохиолч Дэндэвийн Пүрэвдоржийн 90 жилийн ой хүрээнд болж байгаагаараа онцлог юм. Түүний 90 насны ойд зориулсан амьдрал уран бүтээлийн үзэсгэлэн дэлгэгдэж, “Их найрагчийн эгэлгүй түүхээс” сэдэвт зохиолч, уншигчдын уулзалт, шинэ номын худалдаа болох юм. Мөн ЕБС-ийн дунд, ахлах ангийн сурагчдын дунд номын хэлэлцүүлэг, “Алтан хонх”, “АХА” асуулт хариултын тэмцээн зэрэг сонирхолтой үйл ажиллагаа зохион байгуулагдах ажээ.

Баярын нээлтийн үеэр аймгийн зохиолчдод хүндэтгэл үзүүлж дурсамж хадгалууллаа.