Ерөнхий боловсролын сургуулийн нэгдүгээр ангид элсэгчдийн бүртгэл өнөөдөр эхэллээ. Бүртгэл e-Mongolia системээр явагдаж байна.

Тодруулбал эцэг, эхийн аль нэг нь e-Mongolia системд нэвтрэхэд "Онцлох үйлчилгээ" хэсэгт нэгдүгээр ангийн бүртгэл нээгджээ. Бүртгэлд 2017 оны нэгдүгээр сарын 1-нээс 2017 оны арванхоёрдугаар сарын 31-нд төрсөн хүүхдүүд хамрагдана. Харин 2017 оны нэгдүгээр сарын 1-нээс өмнө төрсөн, өмнөх жилүүдэд сургуульд элсэн суралцаагүй бол оршин суугаа хаягийнхаа дагуу хамран сургах тойргийнхоо сургууль дээр биеэр очиж бүртгүүлэх юм байна.