Өчигдөр /2023.08.14/ шөнө аадар бороо орсны улмаас орон нутгийн зарим аймагт тог тасарчээ.

Тодруулбал, борооны улмаас Улаанбаатар хотоос Өвөрхангай аймаг хүртэлх 110кВт-ын таван тулгуур шон өчигдөр шөнө унасан байна. Үүний улмаас Архангай, Өвөрхангай, Булган зэрэг аймаг тоггүй байгаа ажээ.

Одоогоор уг асуудлыг шалгаж байгаа бөгөөд урьдчилсан байдлаар усархаг бороо орж, хүчтэй салхинаас болсон гэх таамаглалыг гаргасан байна.

Гэнэтийн нөхцөл байдлаас үүдэж цахилгаан хязгаарласан болохыг албаныхан мэдээлж байгаа бөгөөд гэмтлийг яаралтай засварлахаар баг ажиллаж байгаа ажээ.