ОХУ-д цахилгаан дамжуулах агаарын шугам тасарч гэмтэл гарчээ.

Иймд цахилгаан эрчим хүчийг тодорхойгүй хугацаагаар хязгаарлах болсныг мэдэгдье. Албан газар, аж ахуй нэгжүүд нөөц эх үүсвэрээ бэлдэн, бэлтгэл бэлэн байдлаа ханган ажиллана уу гэж "Тосонцэнгэл УЦС" ХХК-иас мэдэгдэв.

Улаанбаатар цахилгаан түгээх станцын дарга Р.Дагдан "Бидэнд урьдчилсан мэдээлэл өгөлгүй гэнэт ОХУ-аас цахилгаан хязгаарласан. Улаанбаатар хот бүхэлдээ тог цахилгаагүй болоогүй.  Хэсэг газруудад цахилгаангүй болсон. Одоо яаралтай буцаан залгаж байна" гэв.

Диспетчерийн үндэсний төвөөс дараах мэдээллийг өгөв.
-10:47 цагт импортын урсгал P=222 МВт байх үед Селендум ст-д АРПМ автоматик ажиллаж, АШ-257, 258 тасарч, ОХУ-ын эрчим хүчний станцаас тусдаа гарав.

Аваар эсэргүүцэх автоматикуудын үйлчлэлээр нийт P=241.8 МВт-н хэрэглэгчид тасрав.

11:45 цагт АШ-257-г, 11:53 цагт АШ-258-г тус тус залгаж, ОХУ-ын эрчим хүчний сүлжээтэй зэрэгцээ ажиллагаанд оруулав. 12:25 цагт бүх тасархай хэрэглэгчийг залгаж дуусав. Тасархай хэрэглэгч байхгүй гэв.