Хэнтий аймгийн Бор-Өндөр сумын нутагт үерийн ус жоншны уурхайн 30-40 орчим метрийн гүнтэй цооног руу орж хоёр ажилтан гацсан тухай бид өчигдөр мэдээлсэн. Өнөө өглөөний байдлаар уурхайн гүнд гацсан иргэдийг авран хайх ажиллагаа үргэлжилж байна. 

Жоншны уурхайн 30 метрийн босоо, 18 метрийн хөндлөн цооног үерийн усаар дүүрсэн бөгөөд Бор-Өндөр сум дахь Онцгой байдлын хэлтэс болон Уул уурхайн аврах 09 дүгээр ангийн алба хаагчид усыг соруулж аврах ажиллагаа явуулж байна. Одоогоор 500 м3 усыг соруулаад байгаа тухай ОБЕГ-аас мэдээллээ.