Холливудын хүчирхэг хосуудын нэгд зүй ёсоор багтдаг жүжигчдийн гэр бүл өнгөрсөн сард салж буйгаа зарласан билээ.

Тэд Брэд Питт болон Анжелина Жоли нар байсан юм. Дэлхий дахинаа од болон гялалзаж, 10 гаруй жилийн хамтдаа туулсан хосууд нэг л өдөр салалтаа зарласан нь шүтэн бишрэгчдэд нь хүнд туссан нь мэдээж. Тэгвэл жүжигчин бүсгүй нөхрөөсөө салснаасаа хойш зургаан хүүхдээ дагуулан 6.9 сая ам.долларын үнэтэй харш түрээслэн амьдрах болжээ.

Түүний түрээсэлж буй харш нь жүжигчин Чарли Шиний хуучин эхнэр Денисе Ричардсын эзэмшлийх гэнэ. Зургаан унтлагын өрөө, найман угаалгын өрөө бүхий уг харшийг Ричардс 2007 онд нөхрөөсөө салах үедээ худалдан авч байсан аж.