Дохагийн ДАШТ-ий гурав дахь өдөр эмэгтэйчүүдийн 57 кг-ын жинд "Ташкент-2018" ДАШТ-ий хүрэл медальт ОУХМ Л.Энхрийлэн хүрэл медалийн төлөө барилдахаар болсон. Тэрбээр хагас шигшээд ДАШТ-ий алт, хүрэл медальт Канадын Криста Дэгүчитэй барилдсан. Тэд өнгөрсөн жилийн Ташкентийн дэлхийн аваргад шөвгийн 16-д таарахад манай бөх түүнийг ялж мулталж байсан. Тэгвэл Дэгүчи Дохад манай бөхөөс даагаа нэхэж цэвэр ялсан юм. Ингэснээр хүрэл медалийн төлөө БНСУ-ын Хүх Мимитэй дахин барилдаж торгуулиар яллаа. Тэрээр Ийнхүү ДАШТ-ээс 2 дахь хүрэл медалиа хүртэж байгаа нь энэ юм.