Тавдугаар сарын 4-нд нийт 1679 дуудлага, мэдээлэл Цагдаагийн байгууллагад бүртгэгджээ. Нийт дуудлагын 1353 нь зөрчлийн шинжтэй, 78 нь гэмт хэргийн шинжтэй байв. Тодруулбал, хүүхэд, гэр бүл хүчирхийллийн 81, хулгайн гэмт хэргийн 25, хүний эрүүл мэндийн халдашгүй байдлын эсрэг 34 хэрэг гарсан байна. Мөн согтуугаар тээврийн хэрэгсэл жолоодсон 67 хэргийг илрүүлж, 87 хүнийг эрүүлжүүлжээ. 

Иргэд ихэвчлэн ЦЕГ-ын Гэр бүлийн хүчирхийлэлтэй тэмцэх хэлтэс гэсэн фэйсбүүк пэйж, 102 дугаарт хүчирхийллийн мэдээлэл өгдөг. Үүнээс гадна 107 тусгай дугаарт холбогдож сэтгэл зүйн зөвлөгөө, мэдээлэл авах, дуудлага өгөх боломжтой. Мөн хэл ярианы болон хөгжлийн бэрхшээлтэй, утсаар ярих боломжгүй тохиолдолд 102 дугаар руу ямар ч үнэ төлбөргүй мессеж илгээж боломжтой.