БОАЖЯ санаачлан Байгаль хамгаалах намрын сарын аяны хүрээнд Туул, Сэлбэ голын эрэг дагуух хог хаягдлыг цэвэрлэлээ. Энэхүү арга хэмжээнд БОАЖЯ, НЗДТГ, Нийслэлийн байгаль орчны газар, Туул голын сав газрын захиргаа, УСУГ, Дүүргүүдийн Тохижилт үйлчилгээний хэлтэс, Мобиком корпорац, Батлан хамгаалахын их сургууль оюутнууд,Сэрүүлэг их сургуулийн оюутнууд, Монголын бурхан шашинтны төв Гандантэгчилэн хийдийн төлөөл зэрэг нийт 10 гаруй байгууллагын 2000 гаруй хүн оролцжээ.

Цэвэрлэгээний ажлыг дөрвөн хэсэгт хуваагдан яармагийн гүүрнээс Сонсголонгийн гүүр хүртэл, Сэлбэ гол, Зайсангийн гүүрнээс Баянзүрхийн гүүр хүртэл, Улиастайн уулзвараас Гачуурт хүртэлх голын эрэг дагуух ахуйн хог хаягдлыг цэвэрлэсэн. Нийт 50 км буюу 2375 га газарт зохион байгуулжээ.

Харин цэвэрлэсэн хог хаягдлыг дүүргүүдийн Тохижилт үйлчилгээний хэлтэс хариуцан ачиж хогийг цэгт хүргэсэн байна.