М.Өлзий-Орших хожлын шидэлт хийж, цувралыг ойртууллаа
МСБХ-ны Үндэсний Дээд лигийн 2022/23 оны улирлын эрэгтэй лигийн плэйоффын эхний шатны цувралын тав дахь тоглолтууд боллоо.
Бямба гарагийн үдэш IHC Apes болон Хасын Хүлэгүүд багийн цувралын тав дахь тоглолт болж эцсийн мөчид 78-75 харьцаатай өндөрлөлөө. IHC Apes баг өчигдөр хожил авснаар цувралыг 2-3 болгон ойртуулж байна.
ТОГЛОЛТЫН БААТАР: Даррелл Саммерс өнөөдөр 22 оноо авч багийнхаа бүх тоглогчдыг тэргүүлсэн байна. Харин М.Өлзий-Орших 17 оноо авч мөн хожлын шидэлт амжилттай гүйцэтгэсэн билээ.
ТОГЛОЛТЫН ЭРГЭЛТИЙН ЦЭГ: Тоглолт эхнээсээ өрсөлдөөнтэй эхэлж тоглолтын турш нийт 7 удаа хоёр багийн онооны тэргүүлэл солигдож, 5 удаа онооны харьцаа тэнцсэн байна. Дөрөвдүгээр үеийн цаг сүүлийн 2 минут руу орж тоглолтын онооны харьцаа 70-75 байхад Даррелл Саммерс болон М.Өлзий-Орших нарын дараалан амжилттай гүйцэтгэсэн холын зайн шидэлт багтаа 1 онооны илүү байдлыг авчирсан юм.
СТАТИСТИК ХУДЛАА ХЭЛДЭГГҮЙ: Тоглолтын сүүлийн 1 минут 20 секундэд IHC Apes баг 8 оноо авсан бол Хасын Хүлэгүүд баг нэг ч оноо авч чадаагүй байна.
.jpg)
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
