Өвөрхангай аймгийн Социал Демократ Эмэгтэйчүүдийн холбооноос Олон Улсын Эмэгтэйчүүдийн эрхийг хамгаалах өдрийг тохиолдуулан “Эмэгтэйчүүдийн индэр” сэдэвт уулзалтыг зохион байгууллаа. Тус уулзалалт аймгийн Засагт дар И.Ишдорж оролцож үг хэлсэн юм. Тэрбээр "Баярын ширээний ард суух биш, асуудалтайгаа нүүр тулахыг зорьсон тус уулзалтаар аймаг, орон нутагт эмэгтэйчүүдийн эрх хэрхэн зөрчигдөж байгааг өөрсдийн амьдралд тулгуурлан ярьж, аймгийн удирдлагууд бидэнд нэгийг ойлгуулсан шинэлэг арга хэмжээ болсон.

Өвөрхангай аймаг 60-аад мянган эмэгтэйчүүдтэй. Үр хүүхдээ төрүүлж өсгөх, өрх гэрээ авч явах, ажил хөдөлмөр эрхэлж нийгэмдээ хувь нэмэр оруулах гээд улс орныхоо ч, хувь амьдралынхаа ч ачааны хүндийг эмэгтэйчүүд маань үүрч байна.

Тэдний өмнө эрүүл мэнд, эдийн засаг, сэтгэл санааны олон асуудал тулгамдаж байгаа. Үүнийг өөр хоорондоо ярьж, сошиалд илэрхийлж бухимдах биш, харин нүүр нүүрээ харж байгаад нээлттэй ярилцаж, санал хүсэлтээ илэрхийлснээрээ уулзалт үр дүнтэй байв. Ээжүүд, эмэгтэйчүүд, охидын өмнө тулгарч байгаа асуудал, бэрхшээлийг шийдвэрлэхийн төлөө хичээн ажиллах болно.