Жил бүр уламжлал болгон зохион байгуулагддаг Бүргэдийн баяр "Чингис хааны хүрээ" аялал жуулчлалын цогцолборт хоёр өдрийн туршид зохион байгуулагдаж, өндөрлөлөө. Тус наадмын зоос шүүрэх тэмцээнд Төв аймгаас оролцож байгаа бүргэдчин Э.Батбилэг, тулам булаалдах тэмцээнд Баян-Өлгий аймгийн Сагсай сумаас оролцож байгаа бүргэдчин С.Женисбек нар тэргүүллээ.

Харин бүргэдээ гаршуулж, сургасан байдлаар нь байр эзлүүлэхэд гуравдугаар байрт Баян-Өлгий аймгийн Сагсай сумаас оролцож байгаа бүргэдчин Б.Хайзым, хоёрдугаар байрт Улаан хус сумаас оролцож байгаа бүргэдчин И.Баглан нар шалгарсан бол наадмын шилдгээр Сагсай сумаас оролцож байгаа бүргэдчин К.Наурызбек нар шалгарлаа.