“RFID чип” буюу тээврийн хэрэгслийн техникийн хяналтын цахим гэрчилгээг эхний ээлжинд нийтийн тээврийн хэрэгсэлд суурилуулна.

Улсын хэмжээнд орон нутагт 470 мянга орчим, нийслэлд 650 мянга орчим тээврийн хэрэгсэл бүртгэлтэй. Нэг сая орчим тээврийн хэрэгсэл замын хөдөлгөөнд идэвхтэй оролцож байна.

Эдгээр машинд гуравдугаар сарын нэгнээс эхлэн тээврийн хэрэгслийн техникийн хяналтын цахим гэрчилгээг суурилуулахаар болсон. Эхний ээлжинд 200 гаруй нийтийн тээврийн хэрэгсэлд суурилуулж турших ажил үргэлжилж байна гэж Зам тээврийн хөгжлийн яамны хэлтсийн дарга н.Мөнхнасан ярилаа.