Хөдөлмөр нийгмийн хамгааллын яамны Хүн амын хөгжлийн бодлогын хэрэгжилтийг зохицуулах газар, Нийгмийн хамгааллын сургалт, үнэлгээ судалгааны  институттэй хамтран “Хөгжлийн бэрхшээлтэй хүүхдийг тэгш хамруулан сургах ойлголт, нөхцөл боломж” судалгааг  нийслэлийн 9 дүүрэг, 21 аймгаас түүвэрчлэн  хийж байгаа ажээ. 

      Уг судалгааны зорилго Хөгжлийн бэрхшээлтэй хүүхдийг тэгш хамран сургахад хөгжлийн бэрхшээлтэй хүүхдийн эрүүл мэнд, боловсрол, нийгмийн хамгааллын салбар комиссын үүрэг оролцоо, үйл ажиллагааны хэрэгжилт, суралцуах, нөхцөл байдалд гарч буй бэрхшээлийг тодруулах юм. 
Өнөөдөр судалгааны баг Орхон аймагт ажиллаж, ЗДТГ-ын Нийгмийн бодлогын хэлтэс, БШУГ-ын удирдлага, мэргэжилтнүүдтэй уулзан орон нутгаас хийж хэрэгжүүлж буй төсөл хөтөлбөр, үйл ажиллагааны талаар санал солилцлоо.  

       Орхон аймаг ХБИ-н рүүгээ  чиглэсэн олон ажлыг санаачлан хэрэгжүүлж байгаа. Тэдгээрийн нэг нь орон нутгийн санхүүжилтээр ЗДТГ-аас хэрэгжүүлж буй “Тэгш боломж” төсөл юм. 
Боловсролын үйлчилгээнд хамрагдах хөгжлийн бэрхшээлтэй хүүхдийг тодорхойлж, тэдний өрх, өрхийн гишүүд, хамрагдаж буй сургуулиудын эрэлт, хэрэгцээ, санаачилга, боломжид тулгуурлан “БОЛОВСРОЛД БЭЛТГЭХ, БОЛОВСРОЛЫН ҮЙЛЧИЛГЭЭ АВАХАД НЬ ДЭМЖЛЭГ ҮЗҮҮЛЭХ”-эд хамтран сургах боломжоор хангах, суралцах орчин нөхцлийг сайжруулах, мэргэжлийн багшлах боловсон хүчнээр хангах зэргээр хөгжлийн бэрхшээлтэй хүүхдүүдэд боловсролын үйлчилгээг олгох нь энэхүү төслийн зорилго. 

Мөн төслийн хүрээнд Ерөнхий боловсролын I, VII,XX сургууль дээр Хөгжлийн бэрхшээлтэй хүүхдийг хөгжүүлэх төв байгуулах юм.  Уг төв ашиглалтад орсноор боловсролын үйлчилгээг авч чадахгүй байгаа хөгжлийн бэрхшээлтэй хүүхдүүдэд боловсрол олгох боломж бүрдэнэ гэж харж байна.
Судалгааны багийнхан Орхон аймгийг нийслэл, бусад орон нутагт жишиг болохуйц олон ажил хэрэгжүүлж байгааг онцолсон. Мөн тэд аймгийн 27 дугаар цэцэрлэг, VII цэцэрлэг болон бусад төрийн бус байгууллагын үйл ажиллагаатай танилцана.