Нийтийн тээврийн автобусанд суухаар гүйж буй сурагчийг суулгаагүй авсан бичлэг иргэдийн бухимдлыг төрүүлээд байгаа бөгөөд тухайн автобусны жолоочийн цалинг 30 хувь бууруулж, гурван сар ажиллуулаагүй гэдгийг холбогдох байгууллагаас мэдээлсэн.

Тэгвэл Цагдаагийн ерөнхий газраас тайлбар өглөө. Тус тайлбарт "2022.05.05-ны өдөр Чингэлтэй дүүргийн 18-р хороо “Зүрх Уул”-ын замд автобусны жолооч “М”-н жолоодож явсан автобусны араас 9 настай явган зорчигч гүйж яваад гэмтсэн гомдлыг ТЦА-ны Мөрдөн шалгах хэлтэс шалгаж Зөрчлийн тухай хуулийн 14.7.51-д зааснаар “жолооч хөдөлгөөн эхлэхдээ аюулгүй байдлаа хангаагүй” үндэслэлээр 100,000 төгрөгөөр торгон, 5 оноог хасаж арга хэмжээ тооцсон байна. /хохирогч хүүхдэд эмчилгээний зардлыг жолоочоор гаргуулж шийдвэрлэсэн/" хэмээсэн байна.