Чөлөөт бөхийн ДАШТ-ий өнөөдөр эхлэж байгаа билээ. Өнөөдөр эмэгтэйчүүдийн 55 болон 62 кг-ын жингийн барилдаан болно. Эмэгтэйчүүдийн 55 кг жинд энэ жилийн Азийн АШТ-ий мөнгөн медальт ОУХМ Ганбаатарын Отгонжаргал 1/8 шигшээд 2019 оны Нур-Султаны дэлхийн аварга, Пан Америкийн аваргын алт, мөнгө, хүрэл медальт АНУ-ын Жакарра Винчестертэй барилдав.

Тус барилдаанд Г.Отгонжаргал 3:3-аар сүүлийн оноогоор илүүрхэж яваад сүүлийн 30 секундэд мушгиулж 4 оноо алдаж 3:8-аар ялагдлаа. Манай бөхийг ялсан Винчестер шигшээд шалгарвал дагах барилдаан хийх бөгөөд одоо зөвхөн өрсөлдөгчөө хүлээх л үлдэв.