Өнөөдөр Ерөнхий сайд Л.Оюун-Эрдэнэ Засгийн газрын шинэ танхимынхаа бүтцийг МАН-ын Удирдах зөвлөлд танилцуулжээ. Засгийн газрын өдөр тутмын ажлыг түргэн шуурхай болгох, тулгамдаж буй томоохон асуудлуудыг шийдвэрлэх зорилгоор асуудал эрхэлсэн яамгүй, хоёр сайдыг томилъё гэж 10 хүний асуудлыг МАН-ын удирдах зөвлөлийн хурлаар хэлэлцэж шийдвэрлэсэн байна. 2019 онд батлагдсан Үндсэн хууль, сая батлагдсан Засгийн газрын тухай хуулиар Ерөнхий сайд Засгийн газрын гишүүдээ томилох чөлөөлөх бүрэн эрхтэй болсон. Тиймээс намын удирдах зөвлөл Ерөнхий сайдын саналыг дэмжсэн байна.

• Эдийн засгийн хөгжлийн сайдаар Ч.Хүрэлбаатар,
• УУХҮ-ийн сайдаар Ж.Ганбаатар,
• Эрчим хүчний сайдаар Б.Чойжилсүрэн,
• ХХНХ-ын сайдаар Д.Сарангэрэл,
• Зам тээврийн хөгжлийн сайдаар С.Бямбацогт,
• Хүнс, хөдөө аж ахуй, хөнгөн үйлдвэрийн сайдаар Х.Болорчулуун,
• Цахим хөгжил, харилцаа холбооны сайдаар Н.Учрал,
• Засгийн газрын хэрэг эрхлэх газрын даргаар МАН-ын Ерөнхий нарийн бичгийн дарга Д.Амарбаясгалан,

Яамгүй буюу асуудал эрхэлсэн сайд:

• Нийслэлийн асуудал эрхэлсэн сайдаар Ж.Сүхбаатар,
• Спорт, олимпизмын асуудал хариуцсан сайдаар Б.Бат-Эрдэнэ нарыг томилохоор тогтжээ.