ГССҮТ-ийн эрчимт эмчилгээний тасагт нөхөртэй зодуулсан таван сартай  жирэмсэн эмэгтэй энэ сарын 12-нд хэвтэн эмчлүүлж байгаад амьсгал хураасан харамсалтай хэрэг гарсан билээ.   Тус хэргийн талаар зарим хэвлэлээр хувь хүний нууцыг задруулсан мэдээлэл цацагдаад буй. Тухайлбал, www.ikon.mn мэдээллийн сайтад Баянгол дүүргийн цагдаагийн хэлтсийн нэр бүхий албан хаагчаас тодруулсан мэдээлэл нийтлэгджээ.

Цагдаагийн тодруулгад хохирогчийг буруутгах хандлага илт цухалзаж, талийгаачид “гар хүрсэн” хэмээн хэргийг зөөлрүүлж, хохирогчийн хүүхдүүдийн талаар шалтгаангүй дурьдсан нь хувь хүний мэдээллийг задруулсан гэж үзэн “Өөрчлөлтийн төлөөх эмэгтэйчүүд” ТББ-аас Цагдаагийн ерөнхий газрын дарга, тэргүүн комиссар Р.Чингист шаардлага хүргүүлсэн байна.