Германы Бундес лигийн 4 дүгээр тойргийн тоглолтууд долоо хоногийн дундуур болох билээ. Өнгөрсөн шөнө дөрөвдүгээр тойргийн хүрээнд хэд хэдэн тоглолт боллоо. Энэ улирлыг тун ч давгүй эхлүүлээд байгаа “Боруссия Дортмунд” клуб “Вольфсбург”-ын талбайд зочилж, 1:5-аар бутниргэлээ. Ингэснээр 9 оноотой болж, хүснэгтийн тэргүүн байрт түр ч гэсэн бичигдэж байна.

Тоглолтын 4 дэх минутад Геррейру гоолдож, тооны харьцааг нээсэн бол Обамеянг 16, 62 дахь минутад хоёрыг оруулсан бол Дембеле 58, Пишчек 73 дахь минутад нэг нэгийг нэмэрлэжээ. Тэгвэл талбайн эздээс Дидави 53 дахь минутад нэр төрийн ганц гоол оруулсан юм.

Бусад тоглолтын үр дүн

Дармштадт 1-1 Хоффенхайм

Ингольштадт 0-2 Айнтрахт

Фрайбург 1-0 Гамбург