Монгол Улсын Ерөнхий сайдын санаачилгаар Биеийн тамир, спортын улсын хорооноос зохион байгуулсан "Илүүдэл жингүй-Эртэч Монгол" аян өнөөдөр өглөө 07:00 цагт орон даяар нэгэн зэрэг хаалтаа хийлээ. Өнгөрсөн хоёрдугаар сараас эхэлсэн тус аянд Орхон аймгийн 46 төрийн болон төрийн бус байгууллага хамт олон өглөө бүр 0.6:30-07:30 цагуудад 4 спорт заал, 12 танхим, гадаа 9 талбай, бүжгийн клубуудээр дасгал хөдөлгөөн хийж, давхардсан тоогоор 45 мянга орчим иргэн хамрагдлаа. Аянд нэгдэж өглөө бүр идэвхтэй дасгал хөдөлгөөнөөр хичээллэж өөрсдийн эрүүл мэнддээ хөрөнгө оруулалт хийж, эрүүл амьдралын дадлыг хэвшүүлсэн иргэд, төрийн болон төрийн бус байгууллагын ажилтан албан хаагч нартаа талархал илэрхийлье.