Сүмо бөхийн Харү башё буюу гуравдугаар сарын тэмцээний 15 буюу сүүлийн өдрийн барилдаан өчигдөр боллоо.

Сүмод идэвхтэй барилдаж буй цорын ганц ёкозүна Терүнофүжи Г.Ган-Эрдэнэ гэмтлийн улмаас зургаа дахь өдрөөс башёг орхисон бөгөөд башёг тэргүүлэгч маэгаширагийн 7-оос барилдах Такаясү, секиваки Вакатакакаге хоёр унаатайгаар башёг тэргүүлж байсан бөгөөд хоёр бөх хоюул өрсөлдөгчдөө өвдөг шороодсоноор дахин барилдаан хийж Вакатакакаге давж түрүүлжээ.

Комүсүби Хошорюү С.Бямбасүрэн мамаэгширагийн 6-аас барилдаж байгаа Котоновакатай барилдаж давжээ. Улмаар найм даваа долоон унаатай болсон болж качигоши хийжээ

Маэгаширагийн 2-оос барилдаж байгаа Ичиножо А.Ичинноров маэгаширагийн 9-өөс барилдаж байгаа Тобизарүтэй өвдөг шорооджээ. Улмаар есөн даваа зургаан унаатай болсон байна.

Маэгаширагийн 2-оос барилдах Тамаваши Б.Мөнх-Оргил өчигдөр маэгаширагийн 4-өөс барилдаж байгаа Эндотой өвдөг шорооджээ. Улмаар долоон даваа найман унаатай болж ирэх башёд доошоо уруудаж барилдахаар боллоо

Маэгаширагийн 4-өөс барилдах Кирибаяама Б.Лхагвасүрэн маэгаширагийн 12-оос барилдах Котоэкотой  давжээ. Улмаар 10 даваа таван унаатай болжээ. 

Харү башёд Монголын зургаан бөх барилдана. Үүнд:

• Ёкозүна Терүнофүжи Г.Ган-Эрдэнэ 3-3 гэмтсэн
• Комүсүби Хошорюү С.Бямбасүрэн 8-7
• Маэгашира 2 Ичиножо А.Ичинноров 9-6
• Маэгашира 2 Тамаваши Б.Мөнх-Оргил 7-8
• Маэгашира 4 Кирибаяама Б.Лхагвасүрэн 10-5
• Маэгашира 8 Чиёошома Г.Мөнхсайхан 5-10