Боксын насанд хүрэгчдийн УАШТ-ийн явагдаж байгаа билээ. Тэгвэл эрэгтэйчүүдийн 63.5 кг-д аваргын төлөө ДАШТ-ий хүрэл медальт, Гавьяат тамирчин Э.Цэндбаатар, ОУХМ Б.Мишээлт нар өрсөлдөж 3-2 харьцаагаар Б.Мишээлт ялалт байгуулж Улсын аварга боллоо.

Тэд өмнө нь хоёр удаа учраа таарахад Э.Цэндбаатар ялж байсан бол энэ удаа таарахад Б.Мишээлт ялж, 2-1 харьцаатай болж ойртлоо.

Боксын насанд хүрэгчдийн УАШТ эрэгтэйчүүдийн +92 кг-д ОУХМ С.Эрдэнэбаяр алтан медаль хүртлээ. Тэрбээр аваргын төлөөх тоглолтод “Хүч” спорт хорооны тамирчин Х.Бекнурыг ялав. Ингэснээр УАШТ-д 11 дэх удаагаа түрүүлж, давтахад бэрх амжилтын эзэн боллоо.

Өнөөдөр эрэгтэй, эмэгтэй нийт 13 жингийн аваргууд тодорч буй. Тэр дунд эрэгтэйчүүдийн -75 кг жинд Ж.Отгонжаргал дөрөв дэх улсын аварга боллоо. Мөн эмэгтэйчүүдийн -52 кг жинд Л.Алтанцэцэг түрүүлснээр Монгол Улсын аваргаар зургаа дахь нэрлэгдсэн байна.