Монгол Улсад суугаа ОХУ-ын Элчин сайдын яам албан ёсны фэйсбүүк хуудсаараа "Монголын Ардчилсан Намын гишүүд болон АНУ-ын либерал ноёрхлыг дэмжигчдийн анхааралд" гэсэн мэдээлэл нийтэлсэн нь иргэдийн дунд шүүмжлэл дагуулаад байна. 

Өөрөөр хэлбэл, гадаад улсын элчин сайдын яам тусгаар улсын иргэд, улстөрийн нам хүчинд хандаж анхааруулга гаргасан нь дипломат ёсонд нийцэхгүй гэж олон нийт үзэж буй. Ардчилсан намын зүгээс ч дээрх анхааруулгыг эсэргүүцсэн мэдэгдэл гаргажээ. 

Энэ талаар Гадаад харилцааны яам ямар байр суурьтай байгааг тодруулахад "Энэ асуудлыг ГХЯ анхааралдаа авсан. ОХУ-ын Элчин сайдын яаманд нот бичиг хүргүүлнэ" гэлээ.