Өнөөдөр НАМЭХ-оос 19 сумын 200 эмэгтэйг оролцуулсан "Зууны түүчээ эмэгтэйчүүд" чуулга уулзалтыг хийж байна.

Монгол Ардын Намаас бүтэн зууны хугацаанд улс орноо удирдан залж, хөгжүүлж, бодлого хөтөлбөрөө хэрэгжүүлж ирэхэд эмэгтэйчүүдийн маань оруулсан хувь нэмэр, хүч оролцоо их байсан билээ.

Үүсэл хөгжлийнхөө хувьд дахин шинэ зууныг эхлүүлж байгаа энэ торгон агшинд хуран чуулж, эмэгтэйчүүдийнхээ эрхийг хангах, хамгаалахын төлөө олон үнэтэй санал, зөвлөмжийг дэвшүүлж байгаад талархаж, аймгийн бодлогын баримт бичгүүдэд тусган хэрэгжүүлэхээ илэрхийлье.