ГХЯ-аас Украины нөхцөл байдал, тэнд саатаад буй монгол иргэдийн асуудлаар мэдээлэл өглөө.

Тус яамны Консулын газрын захирлын үүрэг гүйцэтгэгч Б.Болд "Бид иргэдээ татаж авах ажлыг хойшлуулахаас өөр аргагүй боллоо. Учир нь Киев хотын орох, гарах газрын замуудыг хаасан байна. Тиймээс нөхцөл байдал намжтал Украин дахь монголчууд маань байгаа газартаа хоргодож, болгоомжтой байхыг хүсэж байна. Бид нэг сарын өмнө Украин дахь монголчуудын мэдээллийг цуглуулан, оюутнуудтай цахимаар уулзсан. Нөхцөл байдал хүндрэхээс сарын өмнө дайн үүсэж болзошгүй тул эх орондоо ирэхийг зөвлөж, тээврийн зардлыг төрөөс даана гэдгийг хэлж байсан. Бидний өгсөн зөвлөмжийн дагуу олон оюутан эх орондоо ирсэн байгаа"гэлээ.