Өвөрхангай аймгийн хэмжээнд энэ оны эхний хоёр сарын байдлаар согтуугаар тээврийн хэрэгсэл жолоодсон 331 зөрчлийн 56.1 хувь нь тээврийн хэрэгсэл жолоодох эрхгүйгээр замын хөдөлгөөнд оролцож, шүүхийн шийтгэврээр 7-30 хоногийн хугацаагаар баривчлах арга хэмжээ авагдсан.

Дээрх тоон судалгаанаас харахад согтууруулах ундааны зүйл хэрэглэсэн үедээ замын хөдөлгөөнд оролцох, улмаар зам тээврийн осол гаргах эрсдэл их байна.

Өчигдөр /2022.02.22/ Арвайхээр сумын 11-р багт 23:00 цагийн орчим иргэн “Б” гэгч эрэгтэй, согтууруулах ундааны зүйл хэрэглэж, тээврийн хэрэгсэл жолоодох эрхгүй замын хөдөлгөөнд оролцсоны улмаас зорчигч 11 настай "Д"-ийн амь насыг хохироож, жолооч гэмтсэн зам тээврийн осол гарсан.

Иймд жолооч та согтууруулах ундааны зүйл хэрэглэсэн бол жолооны ард суухгүй байж, өөрийн болон бусдын амь нас, эрүүл мэндийг хамгаалж, аюулгүй байдлыг ханган, замын хөдөлгөөнд дүрмийн дагуу оролцохыг сэрэмжлүүлэг болгон хүргэж байна.

Замын хөдөлгөөний дүрэм, амьдралын алтан дүрэм