Жүдо бөхийн оны эхний томоохон тэмцээн болох Парисын их дуулга хоёрдугаар сарын 05-ны өдөр эхэлсэн. Тус тэмцээнд нийт 52 орны 285 тамирчин оролцож байна. Өчигдөр /2021.02.05/ манайхаас Ё.Басхүү алт, Б.Баасанхүү мөнгө, Ц.Цогтбаатар хүрэл медаль хүртсэн.

Оны өмнө Абугийн их дуулгад +100 кг жинд түрүүлсэн "Хилчин" спорт хороо, МИАТ компаний тамирчин ОУХМ Одхүүгийн Цэцэнцэнгэл аваргын төлөө өрсөлдөхөөр шалгаран үлдлээ. Тэрбээр эхний даваандаа Францын Херманн Джигуйбаг 3:19 минутад цэвэр, хэсгийн аваргын төлөө Финландын Мартти Пуумалайненг 3:40 минутад цэвэр яллаа. Улмаар хагас шигшээд домогт Тедди Риньегийн ялалтын цувралыг зогсоосон 2021 оны дэлхийн аварга Японы Кокоро Кагэүраг торгуулиар ялж, хоёр дахиа Гранд Слам ангилалд аваргын төлөө шалгараад байна. О.Цэцэнцэнгэл аваргын төлөө “Баку-2018” ДАШТ-ий мөнгөн медальт Азербайжаны Ушанги Кокауритай барилдасан бөгөөд боох мэхээр цэвэр ялж алтан медаль хүртлээ. Түүнээс өмнө +100 кг-д манай жүдочид Гранд Слам ангилалд түрүүлээгүй байсан бөгөөд О.Цэцэнцэнгэл хоёр дараалан түрүүлж, IJF-ийн мэргэжилтнүүдээс Mongolian Rocket нэрийг зүүгээд байна.

Эрэгтэй -81кг-ийн жинд барилдах ОУХМ Г.Болор-Очир ДАШТ-ий мөнгөн медальт Тато Григалашвилигийн толгойлж буй "A" хэсэгт орсон. Тэрбээр эхний тойрогтоо Италийн бөх Лоренцо Пародитой барилдаж ялсан бол хоёрдугаар тойрогт Канадын бөх Франсуа Готиер Драпотой барилдаж ялагдаж тэмцээнээ өндөрлүүллээ.

Эрэгтэй -100кг-ийн жинд ОУХМ Б.Гончигсүрэн барилдах бөгөөд эхний тойрогтоо Алжирын бөхтэй барилдах бөгөөд өрсөлдөгчөө ялвал 2-р тойрогт түүнийг ДАШТ-ий мөнгө, хүрэл медальт Белгийн Тома Никифоровтой барилдаж ялагдал хүлээжээ.

Эмэгтэй -70кг-ийн жинд ОУХМ Ц.Энхчимэг эхний тойрогтоо АНУ-ын бөхтэй барилдаж ялсан ч хоёрдугаар тойрогт В хэсгийн тэргүүн бөх Ёоко Онод ялагдаж хүлээлээ.

Эмэгтэй +78кг-ийн жинд ОУХМ А.Адъяасүрэн тэмцээний "B" хэсэгт орсон бөгөөд эхний тойрогтоо эзэн орны бөх Леа Фонтейнтэй барилдаж ялагдал хүлээжээ.

• эмэгтэйчүүдийн -48 кг жинд Б.Баасанхүү мөнгөн медаль
• эмэгтэйчүүдийн -52 кг жинд Б.Хорлоодой долдугаар байр эзэлсэн
• эмэгтэйчүүдийн -57 кг жинд Л.Энхрийлэн тавдугаар байр эзэлсэн
• эрэгтэйчүүдийн -60 кг жинд Э.Ариунболд долдугаар байр эзэлсэн
• эрэгтэйчүүдийн -66 кг жинд Ё.Басхүү алтан медаль
• эрэгтэйчүүдийн -66 кг жинд Б.Эрхэмбаяр эхний шатанд ялагдсан
• эрэгтэйчүүдийн -73 кг жинд Ц.Цогтбаатар хүрэл медаль
• эрэгтэйчүүдийн -73 кг жинд О.Уранбаяр эхний шатанд ялагдсан

Хоёрдугаар сарын 6-ны 19:00 цагаас манай таван жүдоч зодоглоно. Үүнд:

• Эрэгтэйчүүдийн -81 кг жинд Г.Болор-Очир хоёрдугаар тойрогт ялагдсан
• Эрэгтэйчүүдийн -100 кг жинд Б.Гончигсүрэн хоёрдугаар тойрогт ялагдсан
• Эрэгтэйчүүдийн +100 кг жинд О.Цэцэнцэнгэл алтан медалийн төлөө барилдахаар болсон
• Эмэгтэйчүүдийн -70 кг жинд Ц.Энхчимэг хоёрдугаар тойрогт ялагдсан
• Эмэгтэйчүүдийн +78 кг жинд А.Адъяасүрэн эхний шатанд ялагдсан