Нэр хүнд, цар хүрээгээрээ Аваргуудын лигийн дараа орох Европа лигийн 2016-2017 оны улирлын эхний тойргийн тоглолтууд өнгөрсөн шөнө боллоо. Тэгвэл энэ улиралд Европа лигт тоглох Английн алдарт “Манчестер Юнайтед” клуб эхний тойрогтоо Голландын “Фейноорд”-ын талбайд зочилж, 1:0-ээр хожигдсон юм. “Манчестер Юнайтед”-ын бүрэлдэхүүнд Ибра, Мата гээд бүхий л шилдэг хөлбөмбөгчид нь багтсан. Рүүни үлдсэнийг эс тооцвол. Гэвч Голландын багийг барсангүй.

Тоглолтын хувь заяаг шийдсэн цорын ганц гоолыг 79 дэх минутад Триндаде оруулж, багтаа гурван оноо авчирчээ. Ингэснээр “Фейноорд” А хэсгийг тэргүүлж байна. Харин энэ хэсгийн нөгөө тоглолт “Заря” болон “Фенербахче” клубын хооронд болж, 1:1-ээр тэнцсэн юм.