Замын цагдаагийн газрын ЖШУХ-т өчигдөр нийт 328 дуудлага, мэдээ мэдээлэл хүлээн авснаас зам тээврийн ослын 252 дуудлага бүртгэгджээ. Үүнээс нэг хүний амь нас хохирч, 14 хүн хүнд, хөнгөн гэмтсэн байна.

Тодруулбал, Баянгол дүүргийн нутаг “Өргөө” кино театрын хойд уулзварт марк, улсын дугаар тодорхойгүй автомашины жолооч нь явган зорчигч 73 настай эмэгтэй Б-г мөргөж гэмтээн ослын газраас зугтжээ.

Мөн Баянхонгор аймгийн төвөөс баруун тийш 120 км-т Богд сумын хоёрдугаар баг Элбэг гэх газар амины H.Mighty автомашины жолооч Э нь явган зорчигч хоёр настай, эмэгтэй Д-г мөргөж амийг нь хохироосон хэрэг гарчээ. Тиймээс замын цагдаагийн газраас замын хөдөлгөөнд болгоомжтой оролцохыг анхаарууллаа.