Германы алдарт “Байерн Мюнхэн” клуб өнгөрсөн шөнө Оросын “Ростов”-ыг 5:0-ээр буулгаж авч, Аваргуудын лигийн хэсгийн шатны анхны хожлоо байгуулсан билээ. Энэ тоглолтын дараа багийн дасгалжуулагч, Итали мэргэжилтэн Карло Анчелотти байр сууриа илэрхийлсэн байна.

Тэрбээр “Аваргуудын лигт түрүүлж чадах уу гэж үү. Чадна гэдэгт би итгэлтэй байна. “Баейрн Мюнхэн” энэ улиралд хүчтэй өрсөлдөөн үзүүлэх чадвартай байх болно. Одоогийн байдлаар бүх зүйл сайхан байна. Гэхдээ бид хэсгээсээ нэгээр гарах хэрэгтэй. Дараа нь сугалаа яаж таарахыг харна даа” хэмээн ярьжээ.