“MISS TOURISM QUEEN INTERNATIONAL” тэмцээн Хятадын Аялал жуулчлалын шинэлэг бүс болгон хөгжүүлж буй Пинь Янь хотод энэ сарын 12-нд эхэллээ. Тус тэмцээнд эх орноо төлөөлөн Загвар өмсөгч, мисс Н.Ану оролцож байна. Тэрбээр Азийн супер модель бөгөөд эх орноо төлөөлж Дэлхийн миссийн тэмцээнд оролцож байсан туршлагатай нэгэн.

Энэхүү тэмцээнд 2007 онд манай улсаас анх удаа загвар өмсөгч, мисс Г.Оюунгэрэл оролцож Ази тивийг төлөөлсөн шагналт байранд шалгарч “Азийн хатан хаан” хэмээх өргөмжлөл хүртсэн билээ.  “MISS TOURISM QUEEN INTERNATIONAL” тэмцээн нь нэг үндсэн ялагчаас гадна таван тивийн төлөөлөл болгож таван бүсгүйг тивийн хатан хаанаар шалгаруулдаг онцлогтой юм.

Мөн манай улсаас тэмцээний зохион байгуулагчдын урилгаар Азийн топ фэйшн фото зурагчин шагналт Ж.Батсайхан оролцогчдын зураг авалтын ажилд оролцож байгаа аж.