Коронавирусний шинэ омикрон хувилбар дэлхийн улс орнуудад бүртгэгдэж буйтай холбогдуулан шинэ хувилбарын тархалтаас сэргийлэх, хариу арга хэмжээний талаар УОК хуралдлаа. Олон нийтийн сүлжээгээр шинэ хувилбар ДОХ-ын халдвартай хүний биеэр дамжин мутацид орж тархсан гэх мэдээлэл гараад байгаа юм. Тэгвэл Эрүүл мэндийн сайд С.Энхболд дээрх мэдээлэл ташаа болохыг мэдэгдлээ. Тэрээр "Омикрон хувилбар ДОХ-ын вирустэй хавсарсан гэх мэдээлэл ор үндэсгүй. Өмнөд Африк-т ДОХ-ын өвчлөл өндөр байдаг тул ийм мэдээлэл цацагдаж байна. Одоогоор нарийн тогтоосон зүйл байхгүй. Гэхдээ вакцины идэвхийг сулруулах магадлалтай, халдвар тархах чадвар нь дельта хувилбараас хэд дахин илүү байна. Бид одоогоор ямар нэгэн арга хэмжээ авахгүй, ажиглалтын байдалд байна. Хэрэв мутацид орсон шинэ хувилбар орж ирвэл бид бүүстер тундаа идэвхтэй хамрагдсан байх шаардлагатай" гэлээ.