Сүмогийн холбоо арваннэгдүгээр сарын барилдаан буюу кюүшү башёгийн ес дэх өдрийн барилдаан болж өнгөрлөө.

Их аварга Хакүхо М.Даваажаргал зодог тайлснаар Тэрүнофүжи Г.Ган-Эрдэнэ ёкозүна цолтой ганц бөх болоод байна. Тэрбээр өчигдөр маэгаширагийн 5-аас барилдах Такаясүтэй барилдаж давсан байна. Улмаар есөн даваатай болж башёг тэргүүлж байна. Өнөөдөр Тэрүнофүжи Г.Ган-Эрдэнэ нутгийн бөх маэгаширагийн 5-аас барилдах Хошорюү С.Бямбасүрэн барилдана. Башёг Тэрүнофүжи Г.Ган-Эрдэнэ болон озеки Такакэйшо нар нэг ч унаагүйгээр тэргүүлж байна.

Комүсби Кирибаяама Б.Лхагвасүрэн маэгаширагийн 1-ээс барилдах Даэйшотой барилдаж давжээ. Улмаар гурван даваа зургаан унаатай боллоо. Өнөөдрийн түүний өрсөлдөгч маэгаширагийн 2-оос барилдах Оношотой барилдана.

Харин Комүсүби Ичиножо А.Ичинноров маэгаширагийн 2-оос барилдах Оношотой барилдаж өвдөг шорооджээ. Улмаар гурван даваа, зургаан унаатай болсон бөгөөд өнөөдөр түүний өрсөлдөгч маэгаширагийн 3-аас барилдах Миёгорютэй барилдана.

Энэ удаагийн кюүшү башёд зодоглох Монгол бөхчүүд:

Макүүчи зиндаа:

Ёкозүна Тэрүнофүжи Г.Ган-Эрдэнэ 9-0

Комүсүби Кирибаяама Б.Лхагвасүрэн 3-6

Комүсүби Ичиножо А.Ичинноров 3-6

М-5 Хошорюү С.Бямбасүрэн 4-5

М-6 Тамаваши Б.Мөнх-Оргил 7-2

М-7 Чиёошома Г.Мөнхсайхан 5-4