БНХАУ-ын Эрээн хотод "Ковид-19" халдвар илэрсний улмаас өнгөрсөн сарын 14-нд хөл хорио тогтоогоод байсан юм. Тэгвэл Эрээн хотод тогтоосон хөл хориог цуцалсан гэх мэдээлэл цахим орчинд цацагдаад байсан билээ.

Энэ талаар Гадаад харилцааны яамнаас тодруулахад "Эрээн хотын Консулын газартай холбогдож мэдээлэл авахад хөл хориог шат дараатайгаар бууруулах талаар албаныхан ярилцаж байгаа ч ямар нэг шийдвэр гараагүй. Эрээн хотын хөл хорионы зэрэглэл буурсан, цуцлагдсан гэдэг нь ташаа мэдээлэл. Тус хотод хөл хорионы дэглэм үргэлжилсэн хэвээр байгаа" гэв.