МАХН-ын дарга Н.Энхбаяр нарт холбогдох эрүүгийн 201401000075 тоот хэрэгт АТГ-аас шалгаж байсан билээ. Тэгвэл АТГ тус хэрэгт мөрдөн байцаах ажиллагаа явуулж дуусчээ. Улмаар Н.Энхбаяр нарт холбогдох хэрэгт яллах дүгнэлт үйлдүүлэхээр Нийслэлийн Прокурорын газарт шилжүүлсэн аж.

Тус хэрэгт Н.Энхбаяраас гадна ЭМ-ийн сайд асан Г.Шийлэгдамба, тус яамны Төрийн нарийн бичгийн дарга Г.Ганчимэг, Д.Цэнгэл нарыг холбогдуулан шалгасан байна. Харин Н.Энхбаярыг Эрүүгийн хуулийн тусгай ангийн 133 дугаарзүйлийн 133.1 дэх хэсэг, мөн хуулийн 148 дугаар зүйлийн 148.4 дэх хэсэг, мөн хуулийн 268 дугаар зүйлийн 268.2-т заасан гэмт хэрэгт яллагдагчаар татаад байгаа юм.