Одоогоос жил 2 сарын өмнө буюу 2020 оны 7 сарын 31-ний өдөр Нийслэлийн Налайх дүүргийн 6-р хороо ,Тэнгэрийн энерги бясалгалын төвд орчим Хан-Уул дүүргийн 2-р хорооны иргэн 25 настай О гэгч эмэгтэй сураггүй алга болсон байдаг. Тухайн үед Налайх дүүргийн Онцгой байдлын алба хайгчид болон сураггүй болсон эмэгтэйн ар гэрийхэн эрлийн үйл ажиллагааг идэвхитэй явуулсан бөгөөд иргэн О-г эрэн сурвалжлах үйл ажиллагаа өнөөдрийг болтол тасралтгүй үргэлжлэн , эмэгтэйн гэр бүлийхэний хүлээлт тасраагүй байсан билээ. Тэгвэл өчигдөр буюу 2021 оны 10 сарын 11-ний өдөр Налайх дүүргийн 6-р хороонд “Ээлтэй” гэх газарт цогцос байж болзошгүй гэх дуудлага 17:30 цагт Цагдаагийн байгууллагад ирсэн бөгөөд дуудлагын дагуу цагдаагийн алба хаагчид очиж шалгахад тухайн 2метр орчим гүн жорлонгийн нүхэн дэхь цогцос нь 2020 оны 7-р сард бясалгал хийхээр явсан иргэн О гэх эмэгтэйн цогцос байж болзошгүйг эхний байдлаар тогтоогоод байна.