Өчигдөр 21 цаг 30 минутын орчим Увс аймгийн Өлгий сумын нутаг дэвсгэрт шороон замд улсын дугааргүй мотоцикл онхолдож, жолоочийн амь нас хохирчээ. 2021 оны есдүгээр сарын 7-ны өдөр Тээврийн цагдаагийн албаны жижүүрийн шуурхай удирдлагын төвд нийт 336 дуудлага мэдээлэл хүлээн авснаас зам тээврийн ослын шинжтэй 267 дуудлага мэдээлэл бүртгэгдсэн байна. Бүртгэгдсэн зам тээврийн ослын улмаас нийслэлд 7 хүн, орон нутагт 4 хүн гэмтжээ. Мөн согтууруулах ундааны зүйл хэрэглэсэн үедээ тээврийн хэрэгсэл жолоодож хөдөлгөөнд оролцсон нийт 63 зөрчил илрүүлсний нийслэлд 44 орон нутагт 19 зөрчлийг илрүүлж учирч болох эрсдэлээс урьдчилан сэргийлж ажилласан байна. Хичээлийн шинэ жил эхэлж, явган зорчигчийн хөдөлгөөн нэмэгдэж байгаа тул жолооч нар сургууль орчмын бүсэд хөдөлгөөнд оролцохдоо анхаарал болгоомжтой зорчихыг тээврийн цагдаагийн албанаас анхаарууллаа.