Нийслэлийн Удирдах ажилтнуудын шуурхай зөвлөгөөн боллоо. Тус хуралд Нийслэлийн Засаг дарга бөгөөд Улаанбаатар хотын Захирагч Д.Сумъяабазар автобусны шинэчлэлийн талаар хэлэлцжээ. Тэрбээр "Одоогоор Улаанбаатар хотод 1200 орчим автобус иргэдэд үйлчилж байна. Гэвч 2022 онд 532 автобусны ашиглалтын хугацаа дуусна. Оронд нь үйлчилгээнд явах автобус байхгүй учир ашиглалтын хугацааг сунгахаас өөр аргагүй болсон. Ашиглалтын хугацаа дууссан автобус иргэдийн эрүүл мэнд, амь нас, эд хөрөнгөд эрсдэлтэй. 30 автобусны тендер зарласан. Сангийн яамны төрийн нарын бичгийн дарга Наранцогт дөрөв дэх компанийг шалгаруул гэж албан бичиг явуулсан. Хэрэв энийг шалгаруулахгүй бол АТГ-т бичиг хүргүүлнэ гэсэн. Сангийн яамны төрийн нарын бичгийн дарга Наранцогт тендерийн хуулинд дандаа ингэж завааруулдаг. Энэ автобус шатвал Наранцогт хариуцлага хүлээх үү" хэмээжээ.