Баянгол дүүргийн 12 дугаар хорооны 12 дугаар байрны орцны тагтны бетон хийц машин дээр унасан юм.

Дуудлагын дагуу тус дүүргийн Мэргэжлийн хяналт, Онцгой байдлын хэлтэс, Цагдаагийн газар, хорооны албан хаагчид хамтран ажиллажээ. Орчны болон оршин суугчдын аюулгүй байдлыг хангахын тулд тагтны бетон унах эрсдэлтэй хэсгийг засаж, дахин унахааргүй болгон зассан байна. Хуучны угсармал байрын орцны гадаах хэсгийн бетон дээр байнга хог шороо овоолж түүнийг нь цэвэрлээгүйн улмаас чийгэнд автаж, гагнаж бэхэлсэн арматур нь зэв идсэнээс унасан байна.