Нийтийн тээврээр хөнгөлттэй зорчих оюутны смарт картын захиалга өнөөдөр дуусна. Нийслэлийн Тээврийн газар, Нийслэлийн Боловсролын газар, Нийслэлийн хөдөлмөрийн газар болон Улаанбаатар смарт картын захиалгыг энэ сарын 6-ны өдөр хүртэл авахаар төлөвлөж байсан билээ.

 Гэсэн ч оюутнууд захиалж амжаагүй учраас хоёр өдөр сунгасан юм. Оюутнууд болон шинээр карт захиалагчид 3600 төгрөгөөр картаа захиалах юм. Харин өнгөрсөн жил цахим карт авсан оюутнууд 1000 төгрөгөөр сунгалт хийлгэнэ. Оюутнууд захиалсан картаа өөрийн суралцаж буй сургуулийн оюутны зөвлөлд хандаж авах юм байна.