Токио-2020 олимпын наадамд жүдо бөхийн эмэгтэйчүүдийн -48 кг жинд өрсөлдсөн МУГТ М.Уранцэцэг Португалийн Катарина Коштатай барилдан өчилтөөр цэвэр ялснаар олимпоос хүрэл медаль хүртэж Токиогийн олимпоос хамгийн анхны медалийг эх орондоо авч ирлээ. Тэрээр ялалт байгуулсныхаа дараах сэтгэгдэлдээ "Медаль авахад миний баг хамт олон маш их тусалсан. Гурав дахь олимпдоо ороод анхны медалиа авч байна. Аав ээж, ах дүү, хамаатан садан, найз нөхөд, Хүч спорт хорооныхондоо маш их баярлалаа. Энэ медалийг авахын төлөө 16 жил хичээсэн, маш их баяртай байна" гэсэн юм.