Сүхбаатарын талбайд Морин спорт уяачдын холбооноос наадмыг цуцлахыг эсэргүүцэж морьтой жагсаал хийж байгаа бол "No naadam" цахим наадам хийхийг эсэргүүцсэн иргэд аж ахуйн нэгжүүдийн төлөөлөл “Тэвчээр тасарлаа” уриан дор жагсаалаа үргэлжлүүлж байна. Энэхүү жагсаал нь хууль бус үйлдэл гэж цагдаагийн албан хаагчид тарахыг шаардаж, анхаарууллаа. Ковидын улбар шар дэглэмийн үед жагсаал, цуглаан зохион байгуулахыг хориглосон зохицуулалттай гэдгийг цагдаагийн албан хаагчид анхааруулж байна. Харин иргэд ямар нэгэн зохион байгуулалтгүйгээр өөрсдийн сайн дураар зайгаа барин хийж буй учраас зохион байгуулсан явдал биш гэж эсэргүүцэж байна. Өнөөдөр болох Засгийн газрын хуралдаанаар цахим наадмыг хойшлуулах УОК-ын саналыг хэлэлцэн эцсийн шийдвэрийг гаргах билээ.