Коронавирусийн халдвараар 2231 тохиолдол шинээр бүртгэгдэж, 12 хүн нас баржээ : Тал нутгийн цахим мэдээлэлийн сайт

Коронавирусийн халдвараар 2231 тохиолдол шинээр бүртгэгдэж, 12 хүн нас баржээ

ЭМЯ-наас коронавирустай холбоотой цаг үеийн нөхцөл байдлын талаар мэдээлж байна. ЭМЯ-наас коронавирусийн нөхцөл байдлын талаар УОК-ын нарийн бичгийн дарга Т.Баярхүү мэдээлэл өглөө.

Сүүлийн 24 цагт 11765 хүнд шинжилгээ хийхэд 2231 шинэ тохиолдол бүртгэж, нийт халдвар авсан хүний тоо улсын хэмжээнд 98050 боллоо. Дотоодын халдвар 2223 илэрсэн ба 1289 нь Улаанбаатарт, 934 нь орон нутагт илэрчээ.

55-83 насны 12 иргэн халдварын хүнд хэлбэрийн оноштойгоор нас барлаа. Мөн үндсэн өвчний шалтгаанаар 41, 43 настай хоёр иргэн нас баржээ.

Сүүлийн 24 цагт эмнэлгээс 585 хүн эдгэрч, гэрийн хяналтаас 301 хүн эдгэрчээ. Нийт 64354 хүн бүрэн эдгэрч, нийгмийн амьдралд оржээ. Өнөөдрийн байдлаар 12415 хүн эмнэлэгт хэвтэн эмчлүүлж байна. Үүнд:

Хөнгөн 7967
Хүндэвтэр 3087
Хүнд 1140
Маш хүнд 221 өвчтөн байна.

Улаанбаатар хотод 41 эмнэлэгт халдвар авсан иргэдийг эмчилж буй бол хөдөө орон нутагт аймаг тус бүрд 1-3 эмнэлэг иргэдийг хүлээн авч, эмчилж байна. Өнөөдрийн байдлаар хөнгөн хэлбэрийн оноштойгоор өрхийн эмчийн хяналтад гэртээ 20795 хүн эмчлүүлж байна. Эмнэлэг болон гэрийн хяналтад нийтдээ 33210 хүн эмчлүүлж байна.

МЭДЭЭНИЙ СЭТГЭГДЭЛ

ХОЛБООТОЙ МЭДЭЭ

Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.