Баянгол дүүрэг 2021 онд иргэдийнхээ ая тухтай байдлыг хангах, цэвэр аюулгүй орчинд ажиллаж, амьдрах нөхцөлийг бүрдүүлэх зорилгоор дүүргийн төсвийн хөрөнгө оруулалтаар олон ажил хийхээр төлөвлөсөн.

Тухайлбал, Баянгол дүүргийн 1, 3, 4 дүгээр хорооны нутаг буюу “Барс” худалдааны төвийн (Төмөр зам) арын цэцэрлэгт хүрээлэн мөн 14 дүгээр хороо, “Ачлал” их дэлгүүрийн арын талбайд иргэдийг цэвэр, ая тухтай орчинд чөлөөт цагаа өнгөрөөх, дасгал хөдөлгөөн хийх боломжийг бүрдүүлэх зорилгоор “Найрамдал” цэцэрлэгт хүрээлэнг тус тус байгуулахаар төлөвлөсөн юм. Тэгвэл, Баянгол дүүргийн худалдан авах ажиллагааны албанаас дээрх байршлуудад цэцэрлэгт хүрээлэн байгуулах тохижилтын ажлын тендерийг өнөөдрөөс албан ёсоор зарлаж, сонирхосон этгээдийг цахимаар тендерт оролцох саналаа  ирүүлэхийг урьж байна.

Хэрэв та энэхүү тендерт оролцохыг хүсвэл тендерийн баримт бичиг болон бусад мэдээллийг ЭНД дарж авна уу.