"Токио-2020" олимпын эрх олгох FIBA 3x3 сагсан бөмбөгийн сүүлийн тэмцээн Унгар улсын Дебрецен хотод зургадугаар сарын 4-6-ны хооронд болно. Тус тэмцээнд эрэгтэй, эмэгтэй зургаан шигшээ баг ердөө ганцхан эрхийн төлөө өрсөлдөнө.

Тус тэмцээнд Монгол, Унгар, Словен, Голланд, Латив, Польшийн багууд оролцох боломжтой бөгөөд өнөөдөр болж байгаа Австри Улсын Грац хотод болж буй тэмцээнээс эрхээ авсан багийн оронд орж ирэх Бельги, Украйн, Румин багууд байгаа билээ.

Манай шигшээ багийн хувьд Австри Улсын Грац хотод болж байгаа тэмцээнээс хэсгээсээ гарч чадаагүй бөгөөд ийнхүү "Токио-2020" олимпын эрх олгох FIBA 3x3 сагсан бөмбөгийн сүүлийн тэмцээнд оролцох болжээ.