NBA-ын талбайд плэйоффын гурван тоглолт боллоо. Лос Анжелес Лейкэрс өөрийн талбайдаа Финикс Санс багтай цувралын гурав дахь тоглолт хийж 95-109 харьцаагаар хожиж цувралыг 1-2 харьцаагаар тэргүүлж эхэллээ. Улмаар Лейкэрс Степлис Центртээ 2012 оны тавдугаар сарын 18-наас хойш плэйоффын тоглолтод анхны хожлоо байгуулжээ. Хоёр багийн цувралын дөрөв дэх тоглолт энэ сарын 31-ны өглөө болно.

Тус тоглолтод Энтони Дэвис 34 оноо, 11 самбараас бөмбөг авч багаа тэргүүлсэн бол Леброн Жеймс 21 оноо, 6 самбар, 9 дамжуулалт, Деннис Шройдер 20 оноог авчээ. Эсрэг багаас Крис Пол мөрний гэмтлийн улмаас 27 минут тоглосон бөгөөд 7 оноо, 5 самбар, 6 дамжуулалтыг гүйцэтгэсэн бол ДиАндрэй Эйтон 22 оноо, 11 самбар, Дэвин Бүүкер 19 оноог авчээ.

Бусад тоглолтууд

Милоуки Багс 113-84 Миами Хит /3-0 харьцаагаар Багс тэргүүлж байгаа/

Финикс Санс 95-109 Лос Анжелес Лейкэрс /1-2 харьцаагаар Лейкэрс тэргүүлж байгаа/

Денвер Наггетс 120 - 115 Портлэнд Трэйл Блэйзэрс /2-1 харьцаагаар Наггетс тэргүүлж байгаа/