Цар тахлын нөхцөл байдлын талаарх ээлжит мэдээллийн цагаар ЭМЯ-ны хэвлэлийн төлөөлөгч Б.Ууганбаяр дархлаажуулалтын явцын тухай мэдээлэл өглөө. Тэрбээр "Боловсрол, шинжлэх ухааны яамнаас тодруулснаар элсэлтийн ерөнхий шалтгалт өгөх 17 настай хүүхдүүдийг заавал вакцинд хамрагдахыг шаардаагүй. Эрүүл мэндийн яам ч энэ асуудлыг хөндөөгүй болно. Зөвхөн 18 хүрч, насанд хүрсэн хүнийг дархлаажуулалтад хамрагдахыг зөвлөж буй. 12-17 насны хүүхдүүдийг коронавирусийн эсрэг вакцинд хамруулах талаар ямар нэгэн шийдвэр гараагүй. Дэлхийн улс орнуудад ч хүүхдийг дархлаажуулах ажил судалгааны түвшинд явж байгаа" гэлээ.