УИХ-ын дарга Г.Занданшатар Төв талбайд өлсгөлөн зарлаж байгаа АН-ын бүлгийн гишүүдтэй очиж уулзлаа. Тэрбээр “АН дотроо учраа ололц. УИХ-ын гишүүдийнхээ эрүүл мэндийг анхаараад энэ асуудлыг хэлэлцээд шийдье гээд Н.Алтанхуяг, Д.Ганбат гишүүнтэй ярьж байхад та нар ингэж болохгүй. Энэ үйл ажиллагаагаа зогсоо. Хэрвээ зогсоохгүй бол би өөрөө энд ирж суулт зарлана. Өлсгөлөн зарлана. Та бид бүгдээрээ тангараг өргөсөн хүмүүс. Нэг намын дарангуйлал гэж байхгүй. Үнэхээр тэгж байгаа бол танай нам дотроо учраа олчих гээд би энд хамт сууя. Энэ бол танай нам дотроо асуудлаа шийдэх зүйл. Би МАН-ын гишүүний хувьд биш УИХ-ын даргын хувьд ирж байна” гэлээ.